بتوضبى شقتك...تعالى هنا بسرعة يا عروسة - منتديات المرأة | البنت العربية | تفيدة



تجهيزات عروسة تفيدة تجهيز، العرائس، ومتطلبات، كل، عروس، مقبلة، على، الزواج

بتوضبى شقتك...تعالى هنا بسرعة يا عروسة

تجهيزات عروسة تفيدة


إضافة رد
 
LinkBack أدوات الموضوع إبحث في الموضوع انواع عرض الموضوع
قديم 10-19-2009, 09:15 AM   رقم المشاركة : 1 (permalink)
shimo ya koky
تفيدة الملكة







shimo ya koky غير متواجد حالياً

إرسال رسالة عبر مراسل Yahoo إلى shimo ya koky

Momayz بتوضبى شقتك...تعالى هنا بسرعة يا عروسة

ازيكم يا احلى تفيدات
الموضوع ده من غير رغى كتير حول كيفية ترتيب و فرش البيوت والشقق صغيرة المساحة

كل الشقق دلوقتي مساحتها صغيرة جداً.. وكل الناس وخصوصا الشباب المقبلين على الزواج عايزين يعملوا من الشقة الصغيرة شقة جميلة وأنيقة..وفكرة الاستعانة بمهندس الديكور مش مطلوبة بس في المساحات الكبيرة والأماكن الفاخرة لكن ممكن كمان تستشيرى مهندس ديكور في أقل المساحات علشان تستغلى كل جزء في الشقة استغلال مفيد وشيك..
دى شوية معلومات لو انتى لسة بتأسسى بيتك يا تفيدة.....ربنا يرزقنا الخير كلنا يارب

الأخشاب الطبيعية
معروف إنها غالية قوي..ما هي أنواع الأخشاب المصنعة والقريبة من الأخشاب الطبيعية؟
الأخشاب الطبيعية المصنعة لها استخدامات تختلف عن الأخرى والأخشاب الصناعية ممكن تكون أحسن من الطبيعية زي مثلاً (ضلف الدولاب الطويلة) خصوصاً إنها بتكون أوفر في التكلفة.وأشهر الأخشاب الطبيعية "الأرو" و"الزان"، و"الأرو" أسهل في التشكيل وبه أنواع ودرجات...وأفضل أنواع الزان هو "الزان الأحمرالروماني"
وهناك أنواع أخرى من الخشب مثل "الخشب الماهوجني"، "البلاسندر" و"الجوزي"، وأفضل حل هو أنواع "خشب القشرة" التي تستخدم كلصق على الأخشاب المصنعة، وتعطي شكل الخشب الطبيعي بالظبط.

نصيحة مهندس الديكور لاختيار أنواع أقمشة الأنتريهات تكون أنيقة وشيك وسعرها معقول؟


يوجد أنواع"الشانيليا" المنتشرة في الموديلات المودرن، وفيه القماش السلك "الحرير" والقماش المشغول والقطيفة والجلود الطبيعية لكن هناك الأقمشة المصنعة الحديثة تشبه الشمواه بالظبط واسمها "مايكوفيبر"؛ لأن الشمواه غالي جدّاً، وبيكون سهل في التنظيف ومقاوم للبقع والسوائل وبقع المأكولات.

لكن لو فيه نوع من الأقمشة العادية غير مقاومة للبقع ممكن تعالج عن طريق رش الفرش بمواد كيماوية تقاوم أي بقايا أكل وأتربة وعصائر وبتعمل طبقة عزل حول القماش.

ما أحدث أرضيات الموضة دلوقتي غير السيراميك والرخام؟
أولاً اختيار الأرضيات سواء سيراميك أو رخام أو موكيت أو باركيه يرجع لذوق أصحاب المكان لكن أحدث الأرضيات دلوقتي وعليها إقبال كبير أرضيات (HPF)

((ان شاء الله هعمل موضوع فى كل التفاصيل يا تفيدات)) واللي انتشرت في الفترة الأخيرة لسهولة تنظيفها وأسعارها المعقولة،وسهولة تركيبها ويمكن خلعها وتركيبها في مكان آخر وهو مختلف خالص عن الباركيه الألماني؛ لأن الناس معتقدة إن (HPF) هو الباركيه الألماني لكن
(HPF)هو خشب مصنّع ومجهز للتركيب مباشرة وبه ألوان كثيرة جدّاً.


أحدث أنواع السجاد المناسب؟
مش لازم كل الناس تلجأ إلى شراء السجاد الموجودة في السوق ولو فيه فكرة معينة تقدرى تنفذها مع مهندس الديكور ويتناسب مع شكل الأثاث والأرضيات فمثلا اللون البني هو السائد في شكل الأثاث فلازم يكون السجاد ألوانه مختلفة تماما عن البني زي الأصفر والأحمر ونقلل الحجم والمساحة بتاعة السجاد.


وإيه أحدث أنواع الدهانات وهل ورق الحائط رجع موضة تاني؟
بالنسبة لورق الحائط فهو رجع موضة بأشكال جديدة ومختلفة زي ورق الحائط القطيفة والمعدن، وهناك أيضاً الخشب يستخدم كتجليد للحائط خصوصاً عندما يتوافق مع الأرضية والأثاث والسجاد.لكن أحدث أنواع الدهانات هي دهانات (الأسبونش) لأنه به نقشات بسيطة وبألوان متناسقة مع بعضها.

هل السقف بيختلف عن الحوائط؟ وإيه الأشكال الإستايل لتصميم السقف؟
السقف طبعا بيختلف وفيه ناس تفضّل السقف الساقط سواء (الخيون بورد أو البلاطات) وفيه (السقف الحقيقي) المناسب للمساحات الصغيرة؛ لأن السقف الساقط يعطي إحساساً بالضيق، وكل ما كان الأثاث كلاسيك ممكن نقسم السقف بانوهات، ولو المكان مودرن يفضل ألا نقسم السقف.


معظم الشقق دلوقتي مساحة صغيرة ومثلاً عندي مكان واحد للأنتريه.. إزاي أزيد من عدد الكراسي علشان الضيوف؟
لو فيه أنتريه مكون من كنبة وأربعة كراسي ممكن أستغل (ترابيزة الوسط) وأضع بداخلها بوفات (كراسي من غير ظهر)وأستعمله لو فيه عدد كبير من الضيوف وفي نفس الوقت تكون مناسبة للأطفال وبيحبوها أكتر من كراسي الأنتريه نفسه، وكمان في نفس الوقت بتحمي الأنتريه وبتكون البوفات للاستهلاك.

إزاي أقلل من مساحة الأعمدة بالشقة؟
لا أستطيع أن أتخلص من الأعمدة؛ لأنها تضر سلامة المبنى لكن ممكن نجملها ونتحايل عليها يعني ممكن نجلدها بالمرايات أو الخشب أو الرخام، وهذه الطرق استهلكت، ولكن الأفضل والأحدث أني أستغل العمود كديكور يعني مثلا أعمل عامود مثله وأعمل بينهم (أرج) وأوصل بينهم وبين أقرب حائط وأعمل فتحة بشكل معين جمالي بيضاوي أو دائري أو مربع وأضع فيها إضاءة أو أنتيك وبكده أكون حولت العمود إلى ديكور.


عايزة أعمل تحف في الأركان وترابيزات عليها فازات وأنتيكات من غير ما آخد مساحة؟
ألجأ في هذه الحالة إلى تصميم الديكور (الأراضي) وهو مناسب للمساحات الضيقة، وهي المسطحات الرئيسية في الحائط يعني آخد مساحة من الحائط وأصمم فكرة الفتحة وأضع بها أنتيكات أو تماثيل أو أباجورات، وممكن أعمل سبوت لايت يعمل إضاءة على الأنتيكات الموجودة.بجد بيبقى شكلها شيك اوووى يا تفيدات


إزاي أستغل الإضاءة كويس وبشكل يوسع مساحة الشقة؟
الإضاءة ليها فائدتين:إضاءة صريحة للمكان وإضاءة زينة،وعشان أحقق الهدفين مع بعض لا أعتمد على عنصر واحد، والإضاءة جزء من الإكسسوار وممكن أكتّر من إضاءات الزينة.

هل الإسبوت مناسب للمساحة الصغيرة؟
الإسبوت يتناسب أكثر مع السقف الساقط وهذا النوع من السقف لا يتناسب مع المساحات الضيقة وممكن أعمل حاجة زي (بيت نور) وهي دائرة حول الحائط بينها وبين السقف فراغ زي الكرانيش وغير ملتصقة بالسقف ويكون وراها الإضاءة وعادة تكون من لمبات فلوروسنت طويلة، وممكن تغني عن النجف بجانب بعض الأباجورات والأباليك كل ده يعطي ديكور ويوسع من شكل الشقة.

إزاي أعمل دولاب فضية كبير يستوعب جهاز العروسة من غير مساحة كبيرة؟
أي شقة يكون فيها أعمدة أستغل مكان العمود وأصمم بين الأعمدة دولاب فضية جوه الحائط، وبكده أكون قللت من مساحة دولاب الفضية مهما كان حجمه والأعمدة تكون اختفت كمان.


إزاي أستغل الفراغات في عمل ديكورات بسيطة؟
الديكور يعتمد على مكانه من الشقة يعني لو الفراغ موجود في مدخل الشقة ممكن أعمل كونسول (ترابيزة) صغيرة وأضع عليها متعلقات خاصة أو ورد صناعي أو مرايا، ولو الفراغ في الريسبشن أعمل كورنر صغير عبارة عن كرسيين وبينهم ترابيزة ولو جنب السفرة أضع ترابيزة الشاي لو موجود في غرفة المعيشة أعمل مكتبة تخزين، ولو في غرفة النوم أعمل جزامة.

إزاي أختار الإكسسوار المناسب لتجميل الشقة؟
الإكسسوار مهم جدّاً وبعد ما أختار أساس الشقة وأفرشها أبدأ أختار الإكسسوار ولازم يكون موجود في كل مكان زي الفاز واللمبادير والتابلوهات والبراويز والصور والورود المجففة، ويفضّل إن الإكسسوار يكون مختلف عن أساس الشقة يعني لو الأساس بيج في بني لا بد من الإكسسوار يكون أخضر أو أصفر أو أحمر، ولو الأساس كلاسيك لازم أتوافق مع الخط العام يعني أعمل الإكسسوار من السيرما والفضيات والكريستال، ولو الأساس مودرن أضع نجف وأنتيكات وورود مجففة وأهم إكسسوار للحمام هو دولاب التخزين تحت الحوض بأشكاله المختلفة التي تستوعب كل محتويات الحمام وممكن أفصل بين الأنتريه والسفرة بدل الستارة بباب مبطن من الزجاج أو الخشب أو أعمل تحديد للخشب من نفس نوع الأساس تكون فاصل تحديدي بين السفرة والأنتريه

الشيش أحسن ولا الألوميتال؟ وإيه أحدث أنواع الألومنيوم المفيدة صحيا؟
اختيار شيش أو الألوميتال يرجع لذوق الشخصيات، والشيش يحمي من أشعة الشمس، وأنا في رأيي إن الألومنيوم الآن أفضل؛ لأنه مصنع من قطاعات الألومنيوم عازلة للحرارة، وقادرة على عزل التراب والضوضاء حتى ولو من غير ستارة وهو عبارة عن ألومنيوم (الدبل جلاس)عبارة عن قطعتين زجاج، والهواء متفرغ بينهم، ويوجد أيضا في قطاعات الألومنيوم دلوقتي حاجة اسمها (الفونش) بيعمل على عزل التراب تماما من الشارع، ويوجد أيضا زجاج عاكس ملون لا يسمح بالرؤية لكن وجود ستارة خلف الألومنيوم يعطي شكلاً جمالياً، وده يرجع لذوق صاحب الشقة.

هل ممكن أعمل دولاب تخزين ملابس (دريسنج روم) بدلا من الدولاب الأصلي بغرفة النوم وفي نفس الوقت يكون متوافق مع شكل الغرفة؟

معظم الناس دلوقتي بيختاروا غرف النوم بدون تسريحة وبتكون عبارة عن سرير و2 كومود والدولاب الدريسنج روم بيكون بحجم الغرفة شمال ويمين، ويضم كل محتويات التخزين من بطاطين وقمصان وبدل وفساتين وشرابات، وهو بديل عن الدولاب التقليدي لغرفة النوم، والكومود أصبح مجهز بشكل يستوعب كل الاحتياجات وبه مكان للنظارة والكتاب والأباجورة و وكل حاجة، وممكن أصمم دولاب دريسنج روم لوحده وأختار السرير والكومود المناسب معاه وأضع بداخل الدولاب سبوت إضائي بيعمل شكل جمالي بداخل الدولاب مع المرايات، وده يغني عن التسريحة وعلى فكرة دولاب الدريسنج روم بيتعمل عمولة على حسب المساحة.

أخيراً هل ممكن أعمل مزْج بين الكلاسيك والمودرن داخل الشقة الصغيرة؟
ممكن أمزج بين الكلاسيك والمودرن لكن الناس اللي بتحب الكلاسيك بتختار كل حاجة كلاسيك، والناس اللي بتحب المودرن بتختار كل حاجة مودرن

لكن قبل كل ده لازم أقلل من مساحة الأثاث ومش كل حاجة تعجبنا تكون مناسبة مع مساحة شقتنا، ولازم أعمل تناسق بين الألوان، ولازم أهتم بشكل الغرف؛ لأن فيه ناس بتهتم بالريسبشن على حساب باقي الغرف، ولازم استشارة مهندس الديكور حتى ولو كانت مساحة الشقة صغيرة يا عرايس تفيدة

ربنا يتمم للجميع على خير يارب
وان شاء الله بيوتكم هتكون اوسع واجمد بيوت فى الدنيا طبعا مش بيوت عرايس تفيدة القمرات

لو عجبك موضوعى just
ادعيلى يا تفيدة
موااااااااااااااااااه

لا حول ولا قوة الا بالله العلى العظيم
سبحان الله والحمد لله ولا اله الا الله








التوقيع

رسول الله صلى الله عليه وسلم كان إذا أصابه هم أو غم أو كرب يقول : « حسبي الرب من العباد ، حسبي الخالق من المخلوقين ، حسبي الرزاق من المرزوقين ، حسبي الذي هو حسبي ، حسبي الله ونعم الوكيل ، حسبي الله لا إله إلا هو عليه توكلت وهو رب العرش العظيم »

آخر تعديل shimo ya koky يوم 10-19-2009 في 09:18 AM.
   
status=0
رد مع اقتباس
قديم 10-20-2009, 12:39 AM   رقم المشاركة : 2 (permalink)
ام عبدالله
مشرفة قسم الأخبار
 
الصورة الرمزية ام عبدالله







ام عبدالله غير متواجد حالياً

افتراضي رد: بتوضبى شقتك...تعالى هنا بسرعة يا عروسة

شكرا لك
موضوع جميل ومفيد
الله يوفقك ويحققلك كل اللي تتمنيه







التوقيع









   
status=0
رد مع اقتباس
قديم 10-20-2009, 07:18 AM   رقم المشاركة : 3 (permalink)
shimo ya koky
تفيدة الملكة







shimo ya koky غير متواجد حالياً

إرسال رسالة عبر مراسل Yahoo إلى shimo ya koky

افتراضي رد: بتوضبى شقتك...تعالى هنا بسرعة يا عروسة

ميرسى حبيبتى نورتى الموضوع والمنتدى والدنيا كلها







التوقيع

رسول الله صلى الله عليه وسلم كان إذا أصابه هم أو غم أو كرب يقول : « حسبي الرب من العباد ، حسبي الخالق من المخلوقين ، حسبي الرزاق من المرزوقين ، حسبي الذي هو حسبي ، حسبي الله ونعم الوكيل ، حسبي الله لا إله إلا هو عليه توكلت وهو رب العرش العظيم »

   
status=0
رد مع اقتباس
قديم 10-25-2009, 04:39 AM   رقم المشاركة : 4 (permalink)
tiger eyes
تفيدة الملكة المتوجة
 
الصورة الرمزية tiger eyes







tiger eyes غير متواجد حالياً

افتراضي رد: بتوضبى شقتك...تعالى هنا بسرعة يا عروسة

كبير والله العظيم يا شيمو طول عمرك

ايه يا معلم المواضيع دى








التوقيع

لن أجعل من نفسى ارض يداس عليا
بل سماء يتمنى الجميع الوصول اليها

   
status=0
رد مع اقتباس
قديم 10-25-2009, 09:51 AM   رقم المشاركة : 5 (permalink)
shimo ya koky
تفيدة الملكة







shimo ya koky غير متواجد حالياً

إرسال رسالة عبر مراسل Yahoo إلى shimo ya koky

افتراضي رد: بتوضبى شقتك...تعالى هنا بسرعة يا عروسة

روح قلبى وحبى نورتى الموضوع يا قلبى
موااااااااااااااااااااااااااه







التوقيع

رسول الله صلى الله عليه وسلم كان إذا أصابه هم أو غم أو كرب يقول : « حسبي الرب من العباد ، حسبي الخالق من المخلوقين ، حسبي الرزاق من المرزوقين ، حسبي الذي هو حسبي ، حسبي الله ونعم الوكيل ، حسبي الله لا إله إلا هو عليه توكلت وهو رب العرش العظيم »

   
status=0
رد مع اقتباس
قديم 04-02-2010, 07:28 PM   رقم المشاركة : 6 (permalink)
بنوته مدلعه
مشرفة أقسام العروسة
 
الصورة الرمزية بنوته مدلعه







بنوته مدلعه غير متواجد حالياً

افتراضي رد: بتوضبى شقتك...تعالى هنا بسرعة يا عروسة







التوقيع

بنوته مدلعه













   
status=0
رد مع اقتباس
قديم 04-11-2010, 04:31 PM   رقم المشاركة : 7 (permalink)
queen alex
تفيدة روشة






queen alex غير متواجد حالياً

افتراضي رد: بتوضبى شقتك...تعالى هنا بسرعة يا عروسة







   
status=0
رد مع اقتباس
قديم 04-15-2010, 09:13 PM   رقم المشاركة : 8 (permalink)
caty safy
تفيدة الملكة المتوجة بالؤلؤ والماس
 
الصورة الرمزية caty safy







caty safy غير متواجد حالياً

افتراضي رد: بتوضبى شقتك...تعالى هنا بسرعة يا عروسة








التوقيع

caty safy






. كم هي رائعة عيناك التي أرى بهما الحياة . . حفظك اللـــه لـي
ومتعك بالصحة والعافية . . . ودمت لــــي . الى زوجى الحبيب






ربى لاتذرنى فردا وانت خير الوارثين

ربى هب لى من لدنك ذرية طيبه انك سميع الدعاء












   
status=0
رد مع اقتباس
قديم 05-25-2010, 10:11 PM   رقم المشاركة : 9 (permalink)
(((( هـِـــــــداااااااايــــــــة ))))
مشرفة الأقسام االدينية وقسم الديكور والأشغال اليدوية وأقسام رمضان
 
الصورة الرمزية (((( هـِـــــــداااااااايــــــــة ))))






(((( هـِـــــــداااااااايــــــــة )))) غير متواجد حالياً

افتراضي رد: بتوضبى شقتك...تعالى هنا بسرعة يا عروسة



بالتوفيق ان شاء الله








التوقيع








ْ


   
status=0
رد مع اقتباس
قديم 06-12-2010, 01:18 AM   رقم المشاركة : 10 (permalink)
reham
برنسس تفيدة
 
الصورة الرمزية reham







reham غير متواجد حالياً

إرسال رسالة عبر مراسل Yahoo إلى reham إرسال رسالة عبر Skype إلى reham

افتراضي رد: بتوضبى شقتك...تعالى هنا بسرعة يا عروسة

الله يا شيمــو بجد موضوع مفيد جداا
ميرسي يا عســـــل







التوقيع



   
status=0
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تفسير الاحلام - حرف الشين حُسن قسم المواضيع المكرره فى منتديات تفيدة 11 09-23-2010 03:51 PM
الإعجاز التّأثيريّ للقرآن الكريم حُسن قسم القرآن الكريم 8 04-12-2010 01:20 AM
أحكام التجويد shams elghram قسم القرآن الكريم 19 03-30-2010 05:18 PM
تفسير الاحلام - حرف الالف حُسن قسم المواضيع المكرره فى منتديات تفيدة 4 06-25-2009 12:23 PM
تفسير الاحلام - حرف النون حُسن قسم المواضيع المكرره فى منتديات تفيدة 4 03-11-2009 05:14 AM


الساعة الآن 04:29 AM.

Powered by vBulletin® Version 3.8.4
Copyright ©2000 - 2014, Jelsoft Enterprises Ltd.
SEO by vBSEO 3.3.0 TranZ By World 4Arab
جميع الحقوق محفوظة لموقع تفيدة دوت كوم
جميع الحقوق محفوظة لموقع تفيدة 2007 -2010