منتج جربتيه وطلع حلو.. منتج طلع مقلب ..تعالى قوليلنا..و اللى عايزة تسال عن منتج شغال برضه

موضوعك رائع فعلا يا قمر
ومفيد جدا لينا كلنا

انا عن نفسى فى حاجه جربتها ومش عجبتنى خالص مش انا لوحدى بل كل من حولى وهى أم على من منتجات حلو الشام
ولكنى جربتها من منتجات ماى واى وكانت رائعه بجد

موضوع جميل
وفكره حلوه اوي
عشان نستفاد من بعض
ان شاء الله افيدكم
ميرسي ليكي يا قمر

انا كمان جربت منتجات ماى واى فى المنظفات والشاور حلوين اوى بس البرفانات نص ونص لكن برفانات ايفون جامدة اوى والمسكارا وميرسى على الموضوع الجامد دة

موضوع جميل ومفيد جدا فعلا دايما مواضيعك مميزة يا قمر

وانا لو افتكرت حاجة هقولها

موضوع مفيد و هايل يا قمر
بصى انا جربت كريمات للشعر كتير لبناتى
وبصراحة اجمل حاجة جربتها وطلعت تحفة وكريم بيخلى الشعر ناعم وملمسة ناعم هو كريم الو ايفا بالصبار تحفة جددا الكريم دة لانى جربت اغلى انواع الكريمات ومفيش فايدة لان شعر بناتى تقيل وبيتعبنى فى التسريح

هقولك يا ستى
املاج سبا وخصوصا بالشاى الاخضر رهيبة

كريم شعر اسمه كازنوفا جبته من بورسعيد حلو قوى

بلسم هيبربل كويس جدا

وعندى منتج يابانى غالى شوية جبته من اسكندرية لتطويل الشعر

شيكولاتة من بورسعيد وحشة قوى وطلعت مقلب

مقص الحف اى كلام فى البتنجان

زيت الماسك المغربى طبعا ده فشنك ووهم كبير ومحدش يجرى وراه ومعلوش اى ورقة تدل على انتاجه الى بيتعبى فى بير السلم فى بنها